INGAT SI KOMEDYANTENG LUMOBO ANG ULO

MINI-REUNION SA LIFETIME OF FREEDOM BOOK LAUNCH

Congratulations sa kaibigang Arlyn Dela Cruz dahil sa bukod sa pagiging isang journalist ay official na siyang book author… Matagumpay na nailunsad kamakailan ang librong A Lifetime of Freedom na nilimbag ng Katha Publishing Co. Inc.

Hindi ko pa po maibabahagi sa ngayon ang aking saloobin ukol sa laman ng aklat dahil plano ko po na ibaon ito sa aking biyahe sa isang buwan at basahin ito sa aking 18 hrs. flight. Alam kong mas higit kong mananamnam ang bawat pahina nito sa panahong walang ibang gugulong deadline o schedule sa aking isipan. Kaya reserve for the meantime ang aking opinion about it pero sigurado akong maganda ang libro ayon sa mga narinig kong partial reading during the book launch.

Parang mini-reunion din ang nasabing okasyon dahil muli kong nakasama sa isang silid ang magandang senadora na si Loren Legarda na minsan rin naming nakasama ni Arlyn sa newsroom ng Dos… Nakita ko rin doon si Jake Maderazo at ilan pang kasama sa panulat.

Pero higit ang aking kasiyahan ng makita ko ang dating boss sa Vintage TV na si Ms. Olive Villafuerte who I found out was instrumental in giving Arlyn her break in television.

Kaya naman sure akong magiging best seller ang A Lifetime of Freedom ng kaibigan Arlyn dahil matindi ang mga  subjects na laman nito tulad ng mga Burnhams at Khadaffi… at ang mga karanasan niya bilang isang journalist, kaibigan at bilanggo sa piling ng mga tauhang nabanggit. TV journalism in a book… something fresh from POV of ARLYN!

PRINCESS AND I – EXTENDED

Aminado ang cast ng Princess and I na mahina ang naging ratings nila sa pagsisimula ng kanilang programa na dahilan kung bakit ito kailangan magpaalam na sa ere…

Pero laking gulat ng buong grupo ng biglang pumaimbulog ang nasabing Primetime Bida soap sa ratings nitong nakaraan tatlong linggo na dahilan ngayon ng kanilang extension.

Hindi naman kasi maikakaila ang magic ng chemistry ng love triangle nina Kathryn Bernardo, Daniel Padilla at Enrique Gil…  hanggang sa ngayon ay malaking katanungan kung sino ang magwawagi sa puso ni MIkay.

Bukod pa rito ay talagang inaabangan ang bawat outfit at accessories ni Gretchen Baretto bilang si Bihatti. Sabi ni Greta sa kanyang interview sa the D’Buzz last Sunday ay ganap na raw siyang isang actress at malayo na ang narrating nila ng kasabayang si Rory Quintos na isa na ring premyadong direktora ngayon.

Congratulations sa Princess and I …

INGAT SI KOMEDYANTENG LUMOBO ANG ULO

Nagka-kwentuhan ang ilang magkakaibigan sa industriya ng isang sikat na komedyante sa isang kapehan kamakailan at ang kanilang topic ay ang common friend nila na dati lamang isang maliit na bit player at langaw na reporter na susunod-sunod sa isang tanyag na manunulat.

Iisa ang kanilang hinaing… Super lobo na raw sa laki at hangin ng ulo ni komedyante na akala yata’y hindi na matatapos ang kanyang tagumpay.

Sa umpukan ay napag-usapan ang panlalait na inabot ng isang upcoming director/friend na minenos diumano ni komedyante ang kakayahan… sabad naman ng isa… “Ako nga hinarang niya ang pagkakataong mag-direk ng isang talk show sa isang nagsisimulang network noon eh! Ayun, nakarma siya at nawala agad sa ere ang programa.”

Yumaman ng husto si komedyante dahil sa pagiging tuso nito sa pera… ito naman ang kwento ng isa pang dating kaibigan. Napakalaki daw kasi magpatong sa talent fee ng kanyang mga alaga ang nasabing comic dahil nagma-manage din ito ng ilang artista, bagay na dahilan din daw ng hiwalayan nila ng isang sikat niyang alaga!

Sabi naman ng dati niyang PA… “Ako nga ginugutom nya sa kabila ng pagpapahirap niya sa akin eh, kaya hindi na ako babalik sa kanya… ang sama-sama ng ugali niya pati ng asawa nya!”

Sa kabila ng kanyang pagbabago ay dasal ng kanyang mga DATING KAIBIGAN na sana ay maliwanagan si Komedyante bago pa mawala ang lahat ng kanyang kaibigan…