PGT Big Winners Nagkaka-Inggitan!

CorytiCo

By Corie Criste

“Hindi tayo magma-marunong, tayo ay magmamasid lamang at mag-aabang ng mga bagay na magpapa-asim sa ating panlasa… Asim na magpapa-anghang ng ating pananalita!

Hindi manunuligsa pero siguradong mag-uusisa!” 

JOVIT AT MARCELINO – NAG-IINRINGAN DAHIL SA INGITAN!

Totoo ba ang nasagap naming na balitang may ingitan na namamagitan sa pagitan ng dalawang Pilipinas Got Talent Grand Winners na sina Jovit Baldevino at Marcelito Pomoy?

Sa kwento-kwento ay nagkaroon daw malaking bangayan sa NAIA ang dalawa bago nagboard and kanilang entourage sa eroplano na naawat lamang ng kasama nila Road Managers at PA.

At pagdating daw sa Los Angeles na kanilang destination ay naulit pa rin ang paringganan ng dalawa na muli’y muntik na naman mauwi sa kanilang sapakan.

Sa samu’t-saring balitaan ay dalawang panig ng kwento ang aming narinig… Sinasabi ng kampo ni Marcelino na masyado daw mayabang itong si Jovit dahil pinipintasan daw nito ang mga gamit ni Marcelino.

Sa kabilang banda ay ito naman ang pahayag… Pikon naman kasi si Marcelino na kahit munting biro ay pinepersonal niya at ikinagagalit, lahat ng lang ng sabihin ni Jovit ay ginagawa niyang isyu laban dito.

Dalawang sides ng istorya ng dalawang winners na nag-abot sa panahon ng tagumpay… mag-ingat sana sila at baka ang iringan nila ay maging dahilan ng paglagapak ng careers!

ENTERTAINMENT REPORTER KABIT O KALARO LANG BA NI NEWS ANCHOR

Naku marami talagang tsismis ang nasasagap naming mula sa aming source sa Macau…

Ang latest nga ay ang balitang nagkita doon sina sikat na Male News Anchor (MNA) sa isang primetime news program at ang Sexy Host (SH) ng Entertainment segment ng show.

Biyudo naman si MNA at dalaga si SH kaya walang problema pero ang distansya ng kanilang idad ay doble at walang magsasabing bagay silang dalawa.

Isa pang tanong kasi ng mga nakakakita ay kung kabit nga ba o kalaro lang ni MNA si SH dahil marami pang ibang lalaki ang nail-link kay SH na medyo isyu din ang hilig sa mga basketball players.

Pero bakit nga ba sumunod sa Macau si SH kay MNA na noon ay nag-iimbestiga sa isang expose tungkol sa mga pasugalan doon kung wala naman daw entertainment beat na dapat niyang i-cover? So sino nga ba ang gumastos sa kanilang secret rendevouz, balitang sinagot daw ang gastos ng mga naghahangad na casino owners na hindi nakapasok sa bidding ng isang malaking entertainment venue dito sa Pinas. 

WOW ANG SHOWBIZ MAS PINATINDI MAS PINALAKAS

Imbitado po kayo sa pinalakas ng programang WOW ANG SHOWBIZ na hosted by Fernan De Guzman aka. Ms. F. kasama sina Chicha Laff, Edward Balbiran at ng inyong lingkod na si Direk Corie tuwing alas 11 hanggang alas 12 ng umaga everyday sa himpilang DWIZ 88.2 sa inyong mga radio dial.

Sa bagong tandem ng programa ay magkakaroon ng Reporter of the Day segments kung saan makakasama din ang mga batikang entertainment reporters para ibahagi ang pinaka-maiinit na isyu at blind items na nagpapa-init sa Showbiz araw-araw.

Tutok na mga friends and enjoy a morning full of fun and a lot of laughter!