Chabit Singson the Father not the Politician

CorytiCo

By Corie Criste

“Hindi tayo magma-marunong, tayo ay magmamasid lamang at mag-aabang ng mga bagay na magpapa-asim sa ating panlasa… Asim na magpapa-anghang ng ating pananalita!

Hindi manunuligsa pero siguradong mag-uusisa!” 

CHABIT SINGSON THE FATHER NOT THE POLITICIAN

I must congratulate Kris TV on the episode where they visited the mansion of Gov. Chabit Singson in Ilocos. Sa kabila kasi ng lavish lifestyle ni Gov. ay hindi iyon ang nakapukaw ng aking paghanga sa kanya. Mas naging matimbang ang aking pagtingala sa kanya dahil sa relasyon niya sa kanyang mga anak na kitang-kita ang pagkamalapit at pagmamahal sa kanya.

Sa kabila ng marangyang pagpapalaki sa mga bata, kanya-kanyang Yaya at driver na naghahatid sa kanila sa kanilang British School ay lumaki ang mga itong marespeto, mabait at magagalang. Wala akong nakitang katiting man na arrogance o yabang sa mga bata.

Ang dingdong na terminology ng mag-amang Chabit at bunsong anak na babae na paraan pala ng pagkarga ng ama sa anak ay very touching. Walang pretension at walang takot ang mga bata sa ama na akala ng marami ay mabagsik, intimidating at matapang ay kabaligtaran pala sa totoong buhay niya kapag ang usapan ay ang kanyang mga supling.

Maging ang present girlfriend ni Gov. na si Josephine Pintor ay hindi rin nakalusot sa pang-uusisa ni Kris. Maganda at talagang naman very ladylike at class ang kilos ng ina ng bunsong lalaki ni Gov.

Congratulations Gov. Chabit for being a wonderful father… sa puntong iyan ay saludo kami sa iyo!

AMA NI ACTOR NAGLALADLAD SA BULACAN

Tricycle driver pala ang kinahuhumalingan ng isang closetang ama ng isang sikat na young actor!

Ito ang latest an chika ng isang kasamahang reporter sa radio program na Wow Ang Showbiz na hosted by Fernan Ms. F De Guzman at ng inyong lingkod.

Naku siyempre naintriga kami ni Ms. F kaya super listen kami sa kaibigan at doon namin nalaman na hindi na mapigilan ng fadir ni young actor ang kanyang kabaklaan na dumadayo pa raw ngayon sa Bulacan  dahil nahulog ang puso nito sa isang pedicab driver na balitang-balita ang kadakilaan sa TODA ng kanyang lugar.

Halos pareho ang istorya ni young actor sa isang dating young actress na bading din ang ama… ang kaibahan nga lamang ay biological daughter si actress at ampon lang si actor.

Naku ang kabadingan ng inyong mga ama ay sayawan na lamang ninyo dahil hindi talaga ito maililihim at mapipigil sa katagalan!