Mahirap din pala ang sobrang Guapo!

RICHARD GUTIERREZ HINDI PINAPAWISAN

Posted on July 25, 2012 by Pssst!

Kahit panay ang ‘explore’…

HINDI ko alam kung dapat ba akong mainis o inggit ang naramdaman ko nang minsan kong mahuli ang replay ng Pinoy Adventures ni Richard Gutierrez sa News TV 11 dahil sa mga stand-ups at spiels ng actor/host ay hindi ko man lang siya nakitang pawisan.
Maganda naman ang episode na napanood ko about the bio-diversity ng mga hayop sa kagubatan ng Pilipinas. Halos tatlong bundok ang kanilang pinuntahan at kinuhanan ng video about the different species na nabubuhay sa ating local forest area.
Pero dahil maulan at masukal ang kagubatan during the shoot, ang ipinagtataka ko ay hindi ko man lang nakitang pawisan o disheveled ang hitsura na Richard na sobra ang guwapo sa mga shots niya.
Hindi tuloy ako naka-relate sa mga kuwento niya dahil hindi ko naramdaman ang effort niya sa kanyang forest adventure.
Parang hindi man lang siya nadumihan o napagod kahit konti. Admittedly, sure akong inilagaan siya ng kanyang make-up artist, cameramen at iba pa niyang entourage during the shoot, pero hindi tuloy ako na-convince na siya nga ang nagpunta sa mga nasabing lugar dahil hindi man lang siya nadungisan. Walang gulo ang buhok at walang pawis kahit man lang sa batok.
Obvious tuloy na kinunan ang lahat ng kanyang kuwento na hiwalay sa kanyang mga spiels! Ang mga voice-over narrations ng binata ay pasado na dahil ang modulation ng kanyang boses ay bagay na sa kanyang subject, sana lang mas ma-convince kami na production na may effort ang binata dahil hindi naman talaga dapat na sobra ang detalye nila sa pagpapa-pogi sa binata na natural naman na ang kaguwapuhan!
Ang trailer ng susunod na episode ay nag-rock climbing si Chard. Still, guwapo pa rin siya sa shot, pero may pawis na kaya alam mong ginawa niya ang sariling stunt. Sana ganoon ang makita parati. Sana mas makatotohanan dahil minsan mahirap din pala ang masyadong guwapo!